Эбээн Бытантай национальнай оройуонугар командировка

Бу дьыл ыам ыйын 23-25 күнүгэр Саха Өрөспүүбүлүкэтин судаарыстыба хааһынатын тэрилтэтэ «Тыа хаһаайыстыбатын сырдатар-сүбэлиир киин» ведущай юрисконсульта Никифоров Виталий Степанович Саха Өрөспүүбүлүкэтин Быраабытылыстыбатын 2013 сыл олунньу 5 күнүнээҕи 79-р нүөмэрдээх дьаһалыгар олоҕуран Эбээн Бытантай оройуонун дьонугар-сэргэтигэр босхо юридическэй көмө оӊорор рабочай группа састаабыгар киирэн үлэлээн кэллэ.

Бу тэрээһин чэрчитинэн 28 олохтоох дьонтон 51 араас боппуруостар киирдилэр уонна онно толору хоруйдары ыллылар. Сүрүн боппуруостар баайга-дуолга, сиргэ сыһыаннаах, үлэ боппуруостарыгар, тыа хаһаайыстыбатын сайыннарыы программатын чэрчитинэн көрүллэр көмөлөрү хайдах ылыахха уонна сөптөхтүк туһаныахха, онно туох ирдэбиллэр туралларын чуоккайдааһын, дьиэ кэргэн ыккардыгар сыһыаннаһыылар боппуруостарыгар уонна да атын эйгэттэн киирдилэр.

(Хаартыскаҕа Эбээн Бытантай улууһун дьаһалтатыгар босхо юридическэй көмө оӊоруу түгэниттэн)

Оройуон административнай комиссиятын кытары сүбэ мунньахха Саха Өрөспүүбүлүкэтин Административнай кодексатын ыстатыйаларын ырытан, урукку үлэлии сылдьыбыт уопутуттан үллэстэн сэргэх тэрээһин ааста.

Итини таһынан 2015 сыллаахха «Саӊа саҕалааччы фермер» гранын кыайбыт бааһынай хаһаайыстыба баһылыгын Слепцова Светлана Дмитриевна кытта көрсөн миэстэтигэр ыарырҕатар боппуруостарыгар сүбэ биэрдэ.

Хаһаайыстыба Граӊӊа кыттарыгар 5 саха ынаҕынан кыттыбыт, билигин хаһаайыстыба 20 төбөлөммүт.  Билиӊӊи туругунан хаһаайыстыбаҕа 5 төбө төрөөбүт, Өссө икки ынах төрүөхтээх. Светлана Дмитриевна маннык көмө олус   туһалааҕын, үлэ миэстэтэ таһаарбытын, былаанын ситиһиэхтээҕин бэлиэтээтэ уонна үүтүн утары атыыга таһааран батарарын, төгүрүк сылы быһа ыыр ньыманы туһанарын, кыстыгы үчүгэйдик туораабытын сырдатан ааста.

(Хаартыскаҕа Слепцова С.Д. бааһынай хаһаайыстыба баһылыга)

Сити курдук В.С. Никифоров, 2016 сыллаахха граны ылбыт, Старостина А.Е. хаһаайыстыбатын кытта көрсөн хаһаайыстыба олоҕун-дьаһаҕын кытта сиһилии билистэ. Быйылгы кыстыгы саӊа хотонноругар этэӊӊэ туораабыттарын, сүөһүлэрин төбөтүн 20-гэ дылы таһаарбыттарын, ылыныллыбыт былааннарын ситиһэн, үлэ миэстэтин тэрийэн, сүөһү төбөтүн ахсаанын элбэтэр сыал-сорук туруоруналларын кэпсээтилэр.

(Хаартыскаҕа Эбээн Бытантай улууһун Тыа хаһаайыстыбатын управлениятын салайааччыта Аммосов И.А.,

Старостина А.Е. бааһынай хаһаайыстыба салайааччыта саӊа туттан киирбит хотонун аттыгар)

 

Добавить комментарий