Дьааҥы улууһугар командировка

Биһиги тэрилтэбит эксперэ  Бочкарева Зарема Романовна бу сыл алтынньы 22 күнүттэн 25 күнүгэр дылы Дьааҥы  улууһугар  тыа хаһаайыстыбатын объектарын биир информационнай аналитическай хааччыйыы программатын систиэмэтигэр киллэрии (ЕСИАО СХ) уонна тэрээһиннээх хаһаайыстыбаларга консультация биэрэр сыаллаах баран кэллэ.

Алтынньы 23 күнүттэн улуус үрдүнэн барыта 16 докумуоннаах хаһаайыстыбаны программаҕа киллэрдэ, тыа хаһаайыстыбаларын специалистэрин  информационнай аналитическай хааччыйыы программатын компьютерга хайдах толороллорун үөрэттэ. Салгыы 4 чаастан улуус нэһилиэктэриттэн кэлбит грант ылбыт уонна ылыан баҕалаах бааһынай хаһаайыстыбалар баһылыктара тыа хаһаайыстыбатын специалистэрин кытары киирэн отчуот оҥорорго үөрэннилэр уонна государство биэрэр көмөтүн көдүүстээхтик туһанар туһунан сүбэ-ама ыллылар. Барыта 7 нэһилиэктэн 22 хаһаайыстыба киирэн туһааннаах боппуруостарыгар эппиэт, сүбэ-ама ылан таґыстылар.

Хайыһардаах нэһилиэгэр 2018 сылга „Саҥа саҕалыыр бааһынай“ программанан грант ылбыт Горохов Александр Владимирович уонна 2015 сылга сылгыны үөрдээн  иитиигэ грант ылбыт Слепцов Николай Александрович хаһаайыстыбаларыгар сылдьан, үлэ-хамнас хайдах тэриллибитин көрдө-иһиттэ уонна инникитин ылыммыт былааннарын хайдах толоруохтарын сөбүн кэпсээтэ. Маны таһынан, нэһилиэккэ тыа хаһаайыстыбатын эдэр специалиһынан үлэлиир  Окладников Василий Васильевичка хайдах үлэни тэрийэргэ, отчуоту оҥорорго, фермэрдэри түмэргэ сүбэ-ама биэрдэ.

Улууска тыа хаһаайыстыбаларын кээпэрэтииптэригэр эбии 4 хаһаайыстыбаҕа мониторинг оҥордо. Консультацияґа наадыйар дьоҥҥо сүбэлээтэ.

Зарема Романовна бэлиэтээбитинэн, Дьааҥы улууһугар тыа хаһаайыстыбатын специлистэринэн үксэ эдэр дьон үлэлиир эбит. Кинилэр Дьокуускайдааґы тыа хаһаайыстыбатын академиятын иһинэн эбии үөрэґи туруорсаллар.  Маны сэргэ ыраах сытар нэһилиэктэр специалистэрэ үлэлэригэр интернет ситимэ суоґа, мөлтөґө атахтыырын бэлиэтээтилэр.

Статья из улусной газеты “Вести Верхоянья”