Экспердэр Хаҥалас улууһугар

Ыам 25-26 кµннэригэр “Тыа хаһаайыстыбатын сүбэлиир уонна сырдатар киинэ” Саха Өрөспүүбүлүкэтин судаарыстыба хааһынатын тэрилтэтин эксперт-консультаннара  Шарин П.П. уонна Гуляева Р.А. буолан Хаҥалас улууһун киинигэр Покровскай куоракка грант ылбыт бааһынай хаһаайыстыбаларга отчуот оҥорорго үөрэтэ уонна  тыа хаһаайыстыбатыгар ыытыллар субсидияларга иһитиннэрии оҥордулар уонна миэстэтигэр сүбэ биэрдилэр.

Бу көрсүһүүгэ нэһилиэктээҕи муниципальнай тэриллии тыатын хаһаайыстыбатын специалистара, бааһынай хаһаайыстыбалар салайааччылара, урбаанньыттар уонна кэтэх хаһаайыстыбалаах ыаллар кыттыыны ыллылар.

Итини таһынан улуус тыатын хаҺаайыстыбатын управлениетын салайааччыта Андреев Сергей Степановичтыын ааспыт сылга ынах сүөһүнү иитиигэ грант ылбыт Төхтүр муниципальнай тэриллии олохтооҕо Маттананов Г.И. производственнай объегын  көрдүбүт. Хаһаайын грант харчытынан   25 төбөҕө аналлаах хотон тутттубут. Билигин 6 ынах төрөөн турар. Сүөһүлэр этэҥҥэ сылы тахсыбыттар. От хаачыстыбата мөлтөх буолан, эбии от атыыласпыт. Хаһаайыстыбаҕа саҥа технологиянан    күн уотунан барар батареянан туһанар эбит.

Сааскы үлэ-хамнас үтүрүйэн уонна суол-иис мөлтөҕүнэн  чугас сытар 7 нэһилиэктэн эрэ сырыттылар. Консультаннар салгыы атын нэһилиэктэринэн үөрэтэ бардылар.

Маттананов Г.И. саҥа туттубут хотонугар

Хаһаайыстыбаҕа саҥа төрүөх

Добавить комментарий