“Сырдык Аартык” ТХПК 10 сыллаах үлэтин уопутун төгүрүк остуолга кэпсээтилэр

Муус устар 4-6 күннэригэр эдэр саҕалааччы кооператив салайааччылара  Бүлүү улууһуттан ТХППК ”Мастаах-Агро” Д.Н. Алексеев, Нам улууһуттан ТХПҮК “Нам-Холбос” С.С. Терешкин  уонна фермер Д.Д. Аргунов республика биир бастыҥ үлэлээх “Сырдык Аартык” потребительскай кооператив үлэни тэрээһинин көрө-билсэ уопут ылан дойдуларыгар тэринэн үлэлииллэригэр практическай көмө оҥорон  “Тыа хаһаайыстыбатын сырдатар-сүбэлиир киин” экспертэрэ П.П. Шарин уонна Р.В. Тимофеева салайан сырыттылар.

Төгүрүк остуол тэрээһинэ сарсыарда 10 ч. Б.Н. Егоров аатынан Күндэйэ  орто агро хайысхалаах оскуолатыгар экскурцияттан саҕаланна.

Төгүрүк остуолга тыа хаһаайыстыбатын сайдыытыгар туһуламмыт “Сырдык Аартык” ТХПК 10 сыллаах үлэтин уопутун кэпсээтилэр. Тэрилтэ салайааччыта Р.А. Иванова тэрилтэни тэрийиэҕиттэн үлэтин билиһиннэрдэ, оскуола оҕолоро кыраларыттан тыа хаһаайыстыбатыгар, дьонноругар көмөлөһөр  буолан “Инникигэ хардыы” научнай-практическай үлэлэрин ааҕан иһитиннэрдилэр. Кэлбит дьон болҕойон истэн, үлэни аттарыы, тэрилтэ тэрээһинин түгэннэрин туоһуластылар. Кооператив үлэтин опытын эдэр салайааччылар билистилэр, санаа атастастылар, билиилэрин хаҥаттылар.

Тэрээһинҥэ  Тыа хаһаайыстыбатын министерствотыттан министры бастакы солбуйааччы Осипова Т.М., Халтанова Ф.Д., Тимофеев А.И. кыттыыны ыллылар.

Күн иккис аҥарыгар саҥа 120 миэстэлээх хотон бастакы сваятын түһэрии сиэрэ-туома, сүөһү турар обьектарын көрүү.  Салгыы “Тускул” ХЭТ үүт тутар пуунун көрүү. Саҥа “Үүт үрүйэ” үүт ас брендин үөрүүлээх быһыыга-майгыга арыйыы, амсайыы буолла.

Тыа сирин олохтоохторун сүрүн дьарыга – сүөһү иитиитэ, удьуор утумун быспакка салгыы сайыннарыыга кооперациялааһын оруола, кэскилэ диэн санаа атастаһыыта, саҥа сүүрээннэри көрдөөһүн нэһилиэк бары тэрилтэлэрин салайааччылара, олохтоохтор биир өйгө-санааҕа киирэн тахсылаахтык үлэлии олороллор эбит.