Боруобалыыр мониторинг ыытыллар

Бу сыл олунньу 11 күнүттэн 17 күнүгэр дылы тэрилтэ экспертэрэ Бочкарева Зарема Романовна уонна Тимофеева Регина Васильевна Ньурба уонна Үөһээ Бүлүү улуустарынан  Саҥа саҕалааччы фермергэ көмө диэн программаҕа кыттарга көмөлөһөн, түргэнник ситэр салааҕа лекциялары ааҕан уонна потребительскай кооперативтары боруобалыыр мониторинг ыытан кэллилэр.

Бу мониторинг  сыала-соруга дьиҥ- чахчы үлэлии олорооччу  уонна  таах кумаахыга суруллан сылдьар кооперативтары, эстэн уонна иэскэ киирэн ликвидацияҕа барааччылары чуолкайдааһын буолар. Маннык мониторинг аны сыл устата республика бары улуустарыгар   ыытыллыаҕа.

Налоговай сулууспа дааннайынан Ньурба улууһугар 34 кооператив, онтон Үөһээ Бүлүү улууһугар 36 кооператив баар. Ньурба улууһугар мониторинг түмүгүнэн ликвидацияҕа барааччы -13 онтон Үөһээ Бүлүү улууһугар ликвидацияҕа барааччы – 9 кооперативтар бааллар. Салгыы мониторинг үлэтэ бара турар.